Transcription
1
Reçue à Grenoble, le 19 mars 1573. Répondue le 19 mars 1573.
2
Monseigneur, après avoir eu commandement de monsieur de La Gorsse, tresorier de
3
lextraordinaire, mon maître, pour, en son abscence au camp de La Rochelle où il luy a
4
esté commandé daller en personne, de pourveoir en Dauphiné de quelque
5
personaige capable et suffizant pour le manyement de sa charge au faict dudit
6
extraordinaire près de vous, qui vous puisse rendre raison à toutes heures de ce
7
qui surviendra en icelle et bien et deuement executer ce qui luy sera commandé
8
de votre part suivant le vouloir et intention du roy que vous avez cy devant
9
tousiours congnue estre telle que la despence extraordinaire qui ce faict audit pays
10
soit comme en autres manyée par ses commis et clercs et les acquitz dressez soubz son
11
nom, ainsi comme jespère vous en esclaircir encores dabondant par lettres de sa
12
majesté que jactends de jour à autre. Jay pencé ne pouvoir faire election de
13
personne plus propre pour sen acquitter et qui vous fust plus agreable que de
14
monsieur Bajoue, present porteur, veu mesmes quil a jà cy devant esté employé près de
15
vous à lexercice de ladite commission, à la continuation de laquelle je vous
16
supplie le recevoir et tenir la main selon votre acoustumée providence que tous
17
troubles et empeschemans au contraire, si tant est quilz luy en fussent faictz quelques
18
ungs cessanz, et quil soit installé en icelle, affin quil vous puisse servir et
19
obeyr à lexecution du tout ce qui dependra de ladite charge ; faisant sur ce
20
fin après vous avoir presenté mon très humble service et prie Dieu
21
Monseigneur quil vous doint jouyssance dune saine longue et heureuze vie.
22
De Lyon, ce XVIe jour de mars 1573
23
Votre très humble et très obeyssant serviteur
24
Dulin